Аймгийн Засаг дарга Д.Батлут Энэтхэгийн Элчин сайд Суриш Бабуг хүлээн авч уулзлаа

       Энэ сарын 20-нд аймгийн Засаг дарга Д.Батлут БНЭУ-аас Монгол Улсад суугаа Онц бөгөөд Бүрэн Эрхт Элчин сайд Эрхэмсэг ноён доктор Суриш Бабуг хүлээн авч уулзлаа.

       Суриш Бабу Элчин сайдаар томилогдоод хоёр сар болж байгаа бөгөөд ажлынхаа айлчлалыг Монголын хойд нутаг болох Сэлэнгэ аймгаас эхэлж улмаар Орхон аймагт ирлээ. Тэрээр уулзалтын эхэнд хэлэхдээ, “Манай хоёр орны дипломат харилцаа сүүлийн 25 жилийн хугацаанд улам гүн батажсан. Үүний илрэл нь боловсон хүчнийг чадавхжуулах олон талт сургалтыг нэрлэж болно. Жилд дунджаар 200 гаруй иргэн манай улсад мэргэжил дээшлүүлэх сургалтад хамрагдаж байна. Цаашид олон салбарт хамтарч ажиллана гэдэгт итгэж байна” гэлээ.
Монгол Улс БНЭУ-тай дипломат харилцаа тогтоосны 60 жилийн ой  энэ жил тохиож байна. Үүний хүрээнд өнгөрсөн онд хоёр орны удирдлагууд уулзахдаа “Хоёр орны харилцаа, түншлэл”-ийг стратегийн түвшинд хүргэж харилцан гарын үсэг зурсан юм.

         Мөн БНЭУ-аас  Монгол Улс нэг тэрбум долларын зээл авахаар болсон билээ. Эл мэдээллийг Эрхэмсэг ноён доктор Суриш Бабу уулзалтын эхэндээ онцолсон. Үүний дараа Орхон аймгийн Засаг дарга Д.Батлут, “ Манай аймаг гадаад харилцаагаа улам өргөжүүлж буй энэ цаг үед та бүхэнтэй уулзаж байгаадаа таатай байна” хэмээгээд, оюутан солилцоо, төсөл хөтөлбөрт хамтран ажиллахад бэлэн гэдгээ илэрхийллээ. Мөн “манай аймаг  “Шинжлэх ухаан технологийн парк” байгуулах зорилт тавьсан. Үүний хүрээнд танай улстай хамтран ажиллана  гэдэгт итгэлтэй байна” гэлээ. Уулзалтын төгсгөлд Засаг дарга Д.Батлут БНЭУ-аас Монгол Улсад суугаа Онц бөгөөд Бүрэн Эрхт Элчин сайд Эрхэмсэг ноён Суриш Бабуг дахин зочлохыг урьсан юм.
                                                                                                                  Хэвлэл мэдээлэл, олон нийттэй харилцах алба
 

 

Холбоотой мэдээлэл

2015-09-11 2438
“Үдийн цай хөтөлбөрийн хэрэгжилтийн байдалд хяналт тавихад эцэг эхийн оролцоо” сэдэвт сургалтыг аймгийн хэмжээнд зохион байгууллаа.

Орхон аймгийн Мэргэжлийн хяналтын газраас “Хүний төлөө-зөв тус” аяны хүрээнд Ерөнхий боловсролын ...

2016-10-04 6198
Орхон аймаг АНУ-тай эрүүл мэнд, боловсролын салбарт хамтран ажиллах сонирхлоо илэрхийллээ

Аймгийн Засаг дарга Д.Батлут АНУ-аас манай улсад суугаа Ерөнхий консул Жэйсон Спэлбэрг болон тус улсын ...

2015-09-10 2374
Архивын тасгаас уулзалт зөвлөгөөн зохион байгууллаа.

Архив, албан хэрэг хөтлөлт, байгууллагын ажлын зохион байгуулалтын улсын үзлэгт бэлтгэх, зохион байгуулах ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.89.204.127
2021-01-03-ний өдрөөс хойш.
  • 13 Онлайн
  • 652 Өнөөдөр
  • 2319 Өчигдөр
  • 13052 Долоо хоногт
  • 65043 Сүүлийн сард
  • 6432178 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар