МЭНДЧИЛГЭЭ

 МЭНДЧИЛГЭЭ

 
Орхон аймаг, Эрдэнэт хотын нийт  иргэд 
эрхэм хүндэт илгээлтийн эзэд, анхдагчид аа!
 
Дөрөв дэх удаа тэмдэглэж байгаа Эрдэнэт хотын өдрийг тохиолдуулан эрхэм хүндэт та бүхэндээ баярын өдрийн халуун мэндийг хүргэж, эрүүл энх, аз жаргал, сайн сайхан бүхнийг хүсэн ерөөе.  
 
Энэ жилийн тухайд улс, орон нутгийн хэмжээнд шинэ төрлийн коронавирусийн халдвар /Ковид-19/-ын цар тахлаас урьдчилан сэргийлэх, тэмцэхэд гол бодлого, анхаарлаа чиглүүлэн ажиллаж байгаа энэ үед Эрдэнэт хотын өдөр тохиож байна. 
 
Манай аймгийн тухайд ч төмөр зам дагасан халдварын голомт илэрч  тохиолдлууд батлагдсан бөгөөд аймгийн Онцгой комисс, Шуурхай штаб болон мэргэжлийн байгууллагууд цар тахлын халдварыг хумих талаар шаардлагатай бүх арга хэмжээг шуурхай авч хэрэгжүүлж байна. 
 
Цар тахлын амаргүй нөхцөл байдлыг Эрдэнэтчүүд бид хамтдаа хүчээ нэгтгэж, өндөр зохион байгуулалттайгаар, улс төржилтгүйгээр даван туулж чадна гэж итгэж байна.   
 
Коронавируст халдварын амаргүй үед мэргэжлийн байгууллагуудын заавар зөвлөмжийг сахин биелүүлж, халдвараас урьдчилан сэргийлэх дэг журмыг сахиж байгаа нийт иргэддээ болон халдвартай тэмцэх ажлын тэргүүн эгнээнд олон хоногийн турш өдөр шөнөгүй зүтгэж байгаа аймгийн Шуурхай штабын бүрэлдэхүүн, эрүүл мэнд, онцгой байдал, цэрэг, цагдаа, мэргэжлийн хяналт, хүнс хөдөө аж ахуй, тагнуул, дотоодын цэрэг, зэвсэгт хүчин, аймаг, сумдын Засаг даргын Тамгын газар, анхан шатны нэгж багууд болон бусад төрийн байгууллагууд, аж ахуйн нэгж байгууллагуудын гамшгаас хамгаалах штабуудын бүрэлдэхүүн, албан хаагчиддаа Эрдэнэт хотын баярын өдрийг тохиолдуулан талархал илэрхийлж байна.     
 
Эрхэм хүндэт Эрдэнэтчүүд ээ.
 
Эрдэнэт хотынхоо хөгжил цэцэглэлт, Эрдэнэтчүүдийнхээ амьдралын сайн сайхны төлөө, хүний хөгжлийн төлөө та бүхэнтэйгээ цаашид хамтран ажиллах болно.
Та бүхний маань юу санасан есөн цагаан хүсэл тань сэтгэлчилэн бүтэж, эрүүл энх явахын өлзийтэй ерөөлийг өргөн дэвшүүлье.  
Орхон аймаг, Эрдэнэт хотын маань хүн ард нь амгалан тайван амьдарч, ажил үйлс өөдрөг байж, Эрдэнэт хот маань цэцэглэн хөгжих болтугай. 
 
Орхон аймгийн Засаг дарга С.БАТЖАРГАЛ
 
2020-12-11
 

 

Холбоотой мэдээлэл

2020-10-02 1055
МЭНДЧИЛГЭЭ

Эрхэм хүндэт эрдэмтэн багш, сурган хүмүүжүүлэгчид ээ!

2018-05-03 3685
ОРХОН АЙМГИЙН ЗАСАГ ДАРГЫН МЭНДЧИЛГЭЭ

Шударга үнэний дуу хоолой болсон эрхэм сэтгүүлчид, хэвлэл мэдээллийн ажилтнууд аа!

2020-10-01 1499
МЭНДЧИЛГЭЭ

Зууны манлай бүтээн байгуулалт Эрдэнэт хотыг сүндэрлүүлэн босгосон, эрхэм хүндэт ахмад настан, азай буурлууд ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 13 Онлайн
  • 865 Өнөөдөр
  • 1680 Өчигдөр
  • 3901 Долоо хоногт
  • 14604 Сүүлийн сард
  • 6452878 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар