КОВИДЫН ДАРААХ ТӨРИЙН АЛБА: ДАРХЛААЖУУЛАЛТЫН ДАРААХ ТӨРИЙН АЛБА

 Нийгэм, бизнесийн ертөнцөд өнгөрсөн хагас зуун жилд огцом өөрчлөлт ажиглагдаж, эдгээрийг нухацтай урьдчилан таамаглахад улам бүр бэрхшээлтэй болсоор иржээ. Урсгал амьдралын хэв маяг, дасал болсон амьдралын орчин нийгмийн хэвшмэл илэрхийлэл байсан бол менежмент, манлайлалд хандах уламжлалт, хоцрогдсон арга барил, өдөр тутмын ажлын царцанги байдлаас зайлсхийхийг хүчтэй шаардах болсон цаг үеийг судлаачид "VUCA" орчин хэмээн тодорхойлдог.

 

Хувьсамтгай, тодорхойгүй, төвөгтэй, эргэлзээтэй хэмээгдэх энэ орчны хамгийн тод илэрхийлэл “Ковид-19” цар тахлаас үүдэлтэй тулгамдсан асуудлыг амжилттай, шуурхай шийдвэрлэж, даван туулах арга зүй, хувилбар, оновчтой шийдлийг олох чиглэлээр 2020 оны 3 дугаар сараас эхлэн явуулж ирсэн үйл ажиллагаагаа идэвхтэй үргэлжлүүлэх талаар Төрийн албаны зөвлөл өнөөдөр цахим хурал хийлээ.

 

“Иргэдийг КОВИД-19-ийн эсрэг вакцинжуулалтад хамруулах ажил шуурхай явагдаж, төрийн алба дархлаажуулалтын дараах шат руу орж, цар тахлын дараах нийгмийн амьдралын шинэ хэв маяг (new normal)-т дасан зохицож ажиллах нь цаг хугацааны асуудал болж байна. Өнгөрсөн жил гаруйн хугацаанд төрийн албан дахь дижитал орон зайн тэлэлт огцом нэмэгдэж, цахимжих үйл явц хурдаслаа. Төрийн албан хаагчдын ажил, амьдралын зохион байгуулалт, цахимаар ажиллах арга барилд чанарын ахиц дэвшил гарлаа” гэж Төрийн албаны зөвлөлийн дарга Б.Баатарзориг тэмдэглэв.

 

 

 

Мөн Европын холбооны судалгаа, инновацийн “Хоризон-2020” хөтөлбөрийн хүрээнд Эдийн засгийн хамтын ажиллагаа, хөгжлийн байгууллагаас цувралаар зохион байгуулж буй “КОВИД-19-ийн дараах төрийн алба” олон улсын дээд түвшний форумын “Хямралын үр дагавраас суралцан эргэцүүлэхүй: Глобал хамтын туршлага”-ыг энэ цаг үед дахин сайтар судалж, гүйцэтгэгч төрийн албан хаагчаас эрэлхийлэгч төрийн албан хаагч болох, мэдээлэл хуваалцахын зэрэгцээ олж авсан мэдлэг, мэдээллээ ажилдаа туршин нэвтрүүлж, үр дүнд хүрэгч байгууллага болох чиглэлээр үйл ажиллагаагаа зохион байгуулахыг зөвлөсөн байна.

 

Гамшгаас хамгаалах бэлэн байдлын зэрэгт шилжүүлсэн хугацаанд төрийн албаны тасралтгүй, хэвийн үйл ажиллагааг найдвартай хангаж, төрийн үйлчилгээг иргэдэд шуурхай хүргэх, оновчтой, зөв зохион байгуулахад дэмжлэг үзүүлэхийн зэрэгцээ дэлхийн улс орнуудын төрийн албаны төв байгууллагаас үүссэн онцгой нөхцөлийн үед улс орондоо явуулж байгаа бодлого, үйл ажиллагааг анхааралтай судалж, мэдлэг мэдээлэл хуваалцах ажлыг тогтмол явуулж ирснийг энэ үеэр онцлов.

 

НҮБ-ын Хөгжлийн хөтөлбөрийн Монгол Улс дахь суурин төлөөлөгчийн газартай хамтран “Илүү сайхан ирээдүйг бүтээх нь” сэдвээр Зөвлөх хорооны цуврал уулзалтууд зохион байгуулж, шинэлэг логик, системийн хувьслын аргачлалаар шийдвэрлэх боломжийг төрийн байгууллагуудын төлөөлөл, дотоодын болон олон улсын эксперт, судлаачдыг оролцуулан цаашид хэрэгжүүлэх арга хэмжээний талаар хэлэлцжээ.

 

Төрийн байгууллагын үйл ажиллагааг оновчтой, зөв, шуурхай зохион байгуулахад мэдээлэл-арга зүйн лавлагаа болгох, УИХ, Засгийн газар, Улсын онцгой комиссын шийдвэрүүдийг төрийн албанд шуурхай хэрэгжүүлэхэд дэмжлэг үзүүлэх зорилгоор Төрийн албаны зөвлөлөөс “Ковид-19: төрийн байгууллагуудын үйл ажиллагааны хэвийн, тасралтгүй байдлыг хангах нь” цахим гарын авлага бэлтгэн түгээж хэрэгжилтийг хангаж байна.

 

Дээрх гарын авлагад цар тахлын талаарх олон улсын мэдээлэл болон халдварт өвчинтэй тэмцэх олон улсын хамтын ажиллагаа, бэлэн байдлын үе дэх төрийн байгууллагуудын үйл ажиллагаа, цахим хурлын аргачлал, хорио цээрийн дэглэмийн нөхцөлд сургалт, судалгаа зохион байгуулах, олон нийтийн уулзалт цугларалтын үед халдварын эрсдэлийг бууруулах санамж, зөвлөмжийг тухай бүр тусгаж ирсэн юм.

 

БНСУ-ын төрийн байгууллагуудаас “Ковид-19” цар тахалтай тэмцэх ажлын хүрээнд хэрэгжүүлж буй олон талт үйл ажиллагааны талаар бэлтгэсэн дэлгэрэнгүй тайланг монгол хэл рүү хөрвүүлэн түгээсэн бол ШУА-ийн Олон улсын харилцааны хүрээлэнгээс эмхтгэн гаргасан Английн төрийн албаны талаарх судлаачдын бүтээлүүд “Ковид-19: Олон улсын нөхцөл байдал, сорилт, үр дагавар, хандлага” судалгааны материалаар танилцуулга бэлтгэсэн байна.

 

Түүнчлэн төрийн албаны шинэтгэлийн түүх, сорилт, боломж, ирээдүйн тухай “Төрийн алба: шинэтгэлд шимтэхийн учир” болон шинэ орчинд ажиллах ур чадваруудыг эзэмших арга зүйн үндэс “21 дүгээр зууны төрийн албаны менежер” номууд нийтийн хүртээл боллоо.

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-08-31 1280
Баян-Өндөр сум иргэдэд мэдээлэл хийж санал хүсэлтийг нь авч ажилласан байна

Орон нутгийн хөгжлийн сангийн хөрөнгөөр 2013, 2014, 2015 онд хийж хэрэгжүүлсэн ажлын талаар, 2016 ...

2019-09-10 881
Иргэдийн анхааралд зөрчлийн хуулийн талаар

Иргэдийн анхааралд зөрчлийн хуулийн талаар

2017-01-07 3365
ОРХОН, БУЛГАН АЙМГИЙН БАЙГАЛЬ ОРЧИН, АЯЛАЛ ЖУУЛЧЛАЛЫН ГАЗРЫН ДАРГА НАРЫН 2017 ОНД ХАМТРАН АЖИЛЛАХ ТӨЛӨВЛӨГӨӨ БАТАЛЛАА

Орхон, Булган аймгийн Засаг дарга нарын 2016-2020 онд хамтран ажиллах гэрээ болон хэрэгжүүлэх ажлын төлөвлөгөөнд ...

Цахим төрийн үйлчилгээ


Сурталчилгаа

 

 

 

КОРОНАВИРУСТ ХАЛДВАРЫН 2021 ОНЫ 06 САРЫН 14-НЫ ӨДРИЙН КОРОНОВИРУСТ ХАЛДВАРЫН НӨХЦӨЛ БАЙДЛЫН МЭДЭЭЛЭЛ /10:00 цагийн байдлаар/

2021-06-15 902

ӨВЧТӨНИЙ АМИН ЧУХАЛ ҮЗҮҮЛЭЛТИЙГ ХЯНАХ ТОНОГ ТӨХӨӨРӨМЖИЙН ХҮРЭЛЦЭЭГ НЭМЭГДҮҮЛНЭ

2021-06-22 288

КОРОНАВИРУСТ ХАЛДВАРЫН 2021 ОНЫ 06 САРЫН 16-НЫ ӨДРИЙН КОРОНОВИРУСТ ХАЛДВАРЫН НӨХЦӨЛ БАЙДЛЫН МЭДЭЭЛЭЛ

2021-06-16 122

ОРХОН АЙМГИЙН КОРОНАВИРУСТ ХАЛДВАР (КОВИД-19)-ЫН НӨХЦӨЛ БАЙДЛЫН МЭДЭЭ /2021.06.14-ны 10:00 цагийн байдлаар/

2021-06-14 97

ОРХОН АЙМГИЙН КОРОНАВИРУСТ ХАЛДВАРЫН НӨХЦӨЛ БАЙДЛЫН МЭДЭЭЛЭЛ /2021.06.11-ний 08:00 цагийн байдлаар/

2021-06-11 87

ОРХОН АЙМГИЙН КОРОНАВИРУСТ ХАЛДВАР (КОВИД-19)-ЫН НӨХЦӨЛ БАЙДЛЫН МЭДЭЭ /2021.06.18-ны 10:00 цагийн байдлаар/

2021-06-18 87

ОРХОН АЙМАГТ СУРГУУЛЬ ТӨГСӨГЧДИЙН ХОЛБОО БАЙГУУЛНА

2021-06-14 66

ОРХОН АЙМГИЙН КОРОНАВИРУСТ ХАЛДВАР (КОВИД-19)-ЫН НӨХЦӨЛ БАЙДЛЫН МЭДЭЭ /2021.06.21-ний өдөр/

2021-06-21 59

ОРХОН АЙМГИЙН КОРОНАВИРУСТ ХАЛДВАР (КОВИД-19)-ЫН НӨХЦӨЛ БАЙДЛЫН МЭДЭЭ /2021.06.22-ны өдөр/

2021-06-22 49

АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНИЙ ҮҮРЭГ ДААЛГАВРЫН БИЕЛЭЛТ

2021-06-14 46

Веб статистик

Таны IP хаяг: 3.236.98.69
2021-06-10-ний өдрөөс хойш.
  • 49 Онлайн
  • 5136 Өнөөдөр
  • 17317 Өчигдөр
  • 47764 Долоо хоногт
  • 342392 Сүүлийн сард
  • 4835488 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  954

Facebook

Цаг агаар