ӨВЧТӨНИЙ АМИН ЧУХАЛ ҮЗҮҮЛЭЛТИЙГ ХЯНАХ ТОНОГ ТӨХӨӨРӨМЖИЙН ХҮРЭЛЦЭЭГ НЭМЭГДҮҮЛНЭ

Өнөөдөр Орхон аймгийн Засаг даргын Зөвлөлийн 2021 оны XII хуралдаан цахимаар зохион байгуулагдлаа. Энэ удаагийн хуралдааныг Орхон аймгийн Засаг даргын Нийгмийн хөгжлийн асуудал хариуцсан орлогч А.Түвшинжаргал удирдан явууллаа.

 
            Сүүлийн үед улс орны хэмжээнд төдийгүй манай аймагт короновируст цар тахлын нөхцөл байдал улам бүр хүндэрч байна. Цар тахлын хувьд нийтийг хамарсан халдварын тархалтын хэмжээнд хүрч улаан зэрэглэлд хүрээд байгаа. Сүүлийн үед халдвар авсан өвчтөнүүдийн биеийн байдал хурдан хугацаанд хүндэрч байгаа бөгөөд короновируст халдварын улмаас 3 хүн нас барсан. Өнөөдрийн байдлаар БОЭТ-д 233 хүн эмчлүүлж байгаа бөгөөд эдгээрээс биеийн байдал нь хүнд 10, нэн хүнд 3 хүн байна.
 
     Цаашид халдвар авсан хүний тоо нэмэгдэж, хэвтэн эмчлүүлж байгаа иргэдийн биеийн байдал хүндэрвэл БОЭТ-ийн сэхээн амьдруулах, Эрчимт эмчилгээний тасагт хэрэглэгдэж байгаа тоног төхөөрөмжүүд хүрэлцээгүй болж мэдэхээр байна. Одоогийн байдлаар биеийн байдал хүнд өвчтөний амин чухал эрхтнүүдийг хянах, тэдгээрийн эмчилгээнд зориулагддаг аппарат тоног төхөөрөмж БОЭТ-д 24 ширхэг байдгаас бүрэн ажиллагаатай 17 төхөөрөмж ашиглагдаж байна. Тухайлбал, амьсгалын аппарат, хүчил төрөгч өтгөрүүлэгч, зүрх судасны үйл ажиллагааг дэмжих, зүрх зогссон үед зүрхний үйл ажиллагааг сэргээх цахилгаан тоног төхөөрөмж, дуслын болон тариурын шахуурга гэх мэт тоног төхөөрөмжүүд хүрэлцэхгүй болох магадлалтай юм.
 
            Иймээс энэ удаагийн хуралдаанаар БОЭТ-д нэн яаралтай шаардлагатай байгаа эдгээр аппарат, тоног төхөөрөмжүүдийг авах зардал болох 120 сая төгрөгийг шийдвэрлэлээ. Мөн цаашид халдварын тоо нэмэгдэх тохиолдолд эрчимт эмчилгээний ор нэмж бэлтгэх, бусад газруудаас дайчлах шаардлага ч тулгарч болзошгүй байна.
 
            Засаг даргын зөвлөлийн 2021 оны XII хуралдаанаар мөн “Орхон аймгийн үйлдвэрлэл эрхлэгчдийг дэмжих хөнгөлөлттэй зээл олгох журам”-ыг шинэчлэн батлах, “Эрдэнэт үйлдвэр” ТӨҮГ-ыг түшиглэн байгуулагдах Үйлдвэрлэл, технологийн паркийн газрын асуудлыг мөн хэлэлцлээ.
 
Мэдээллийн төв
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-03-09 1379
Онцгой байдлын газраас /2014 оны 03 дугаар сарын 03-07/

Урьдчилан сэргийлэх талаар: Шар усны үерийн аюулаас урьдчилан сэргийлэх зорилгоор аймгийн хэмжээний ...

2013-10-15 3130
МОД ТАРИХ ҮНДЭСНИЙ ӨДРИЙГ ТОХИОЛДУУЛАН 5000 ГАРУЙ МОД ТАРИЛАА

Монгол Улсын Ерөнхийлөгчийн зарлигаар жил бүрийн тав, аравдугаар сарын хоёр дахь долоо хоногийн бямба ...

2013-07-16 2104
“Хөгжлийн бэрхшээлтэй иргэдийн хөгжил, хамгаалал” чиглэлээр хэлэлцүүлэг зохион байгууллаа

Хөгжлийн бэрхшээлтэй иргэдийн хөгжил, хамгааллын бодлого- шинэчлэл чиглэлээр 2013 оны эхний хагас жилд ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 18.206.76.226
2021-06-10-ний өдрөөс хойш.
  • 15 Онлайн
  • 7011 Өнөөдөр
  • 8111 Өчигдөр
  • 15122 Долоо хоногт
  • 23205 Сүүлийн сард
  • 5604169 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  971

Facebook

Цаг агаар