1, 2 ДУГААР БИЧИЛ ХОРООЛЛЫН АЙЛ ӨРХҮҮДИЙН ХАЛУУН УСЫГ 9 ДҮГЭЭР САРЫН 15 ГЭХЭД ӨГӨХ ҮҮРЭГ ДААЛГАВАР ӨГЛӨӨ

“Эрдэнэт үйлдвэр” ТӨҮГ-ын ажилчдын орон сууцны “Москва-300” хороолол руу дулааны шугам сүлжээ татах ажил 2 сар орчмын өмнө эхэлсэн.

            “Эрдэнэт үйлдвэр” ТӨҮГ тендер шалгаруулан, гүйцэтгэгчээр “Тавин лан” ХХК шалгарсан. Ингэхдээ Эрдэнэт хотын 1 болон 2-р бичил хорооллын дундуур өнгөрдөг дулааны төв шугамыг өргөтгөж байж “Москва-300” хорооллыг дулаанаар бүрэн хангах боломж нээгдэх юм.
            Ингээд инженерийн шугам сүлжээг солих ажил 7-р сарын эхээр эхэлж, 1 болон 2-р бичил хорооллын авто замыг хааж ажил эхэлсэн. Харамсалтай нь ажлын гүйцэтгэгч “Тавин лан” ХХК бараа материал татан авалтаа буруу тооцоолсон, хүн хүчээ зөв хуваарилан ажиллаагүйгээс өнөөдрийг хүртэл ажил удаашраад байна. Энэ хооронд захиалагч тал болох “Эрдэнэт үйлдвэр” ТӨҮГ-ын зүгээс хяналт тавьж байсан.
            1 болон 2-р бичил хорооллын айл өрхүүд энэ хооронд хэрэглээний халуун усгүй өнөөдрийг хүрсэн билээ. Аймаг орон нутгийн төр захиргааны удирдлагууд, холбогдох мэргэжлийн байгууллагуудаас энэ хугацаанд тухайн компанид ажлаа түргэвчлэхийг удаа дараа шаардаж ирсэн.
            Тэгвэл удаашралтай байгаа энэ ажлыг яаравчлуулахын туд өнөөдөр аймгийн ИТХ-ын дарга Д.Мөнхбат, аймгийн Засаг дарга С.Батжаргал болон ИТХ-ын зарим төлөөлөгчид “Эрдэнэт үйлдвэр” ТӨҮГ-ын удирдлагууд, гүйцэтгэгч компанийн төлөөллийг байлцуулан газар дээр нь очиж ажиллалаа.
            Энэ уулзалтын дараа аймгийн удирдлагуудын зүгээс ажлын гүйцэтгэгч “Тавин лан” ХХК-ийн хүн хүчээ нэмэгдүүлэн уртасгасан цагаар ажиллаж 9 дүгээр сарын 15-аас өмнө ажлаа дуусган иргэд, айл өрхийн хэрэглээний халуун усаар хангах, захиалагч тал болох “Эрдэнэт үйлдвэр” ТӨҮГ-ыг хяналтаа сайжруулах үүрэг даалгавар өглөө.
 
Мэдээллийн төв
 
 
 
 
 
 
 

 

Холбоотой мэдээлэл

2016-08-24 1833
МЭНДЧИЛГЭЭ

Эх орны бүтээн байгуулагчид, их үйлсийн эзэд Барилгын салбарын инженер, техникийн ажилтан, ажиллагсад, ...

2015-03-06 1569
Төмөр шугам MNS JIS B 7516:2015 стандартыг үндэсний стандартаар баталсан байна.

Стандартчиллын үндэсний зөвлөлийн ээлжит хурал 2015 оны 2 дугаар сарын 26-ны өдөр 09:30 цагаас Стандартчилал, ...

2014-03-26 2048
Өнөөдөр Хөнгөн, хүнсний аж үйлдвэр, худалдааны ажилтан ажилчдын баярын өдөр тохиож байна

Өнөөдөр Хөнгөн, хүнсний аж үйлдвэр, худалдааны ажилтан ажилчдын баярын өдөр тохиож байна. Энэхүү өдрийг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.16.13
2021-06-10-ний өдрөөс хойш.
  • 47 Онлайн
  • 1269 Өнөөдөр
  • 4048 Өчигдөр
  • 27474 Долоо хоногт
  • 204668 Сүүлийн сард
  • 6243888 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар