ТЭРБУМ МОД ТАРИХ ҮНДЭСНИЙ ХӨДӨЛГӨӨНИЙ НЭЭЛТ ОРХОН АЙМАГТ БОЛЛОО

Засгийн газарт чиглэл өгөх тухай Монгол улсын Ерөнхийлөгч У.Хүрэлсүхийн зарлигийн дагуу Орхон аймгийн хэмжээнд нийт газар нутгийн 3 хувьтай тэнцэх хэмжээний газарт 10 сая ширхэг мод тарьж ойн зурвас, ойн төгөл, ойжуулалт, ойн нөхөн сэргээлтийн ажлыг 2030 он хүртэлх хугацаанд зохион байгуулахаар болсон.

            Мэргэжлийн байгууллагуудын зүгээс уг ажлын төлөвлөлтийг хийсэн байна. Мод тарих энэхүү ажил нь Монгол улсын “Алсын хараа-2050” урт хугацааны хөгжлийн бодлого, Засгийн газрын 2020-2024 оны үйл ажиллагааны хөтөлбөр, “Орхон аймаг, Эрдэнэт хотын Ногоон тогтвортой хөгжлийн зорилт-2050”, Орхон аймаг, Эрдэнэт хотын таван жилийн үндсэн чиглэл гэх мэт бодлогын баримт бичигтэй уялдаж байгаа.
            Цаашид ойн сангийн доройтолд өртөж байгаа ойд хортон шавьжийн устгал хийх, хожуулыг нь цэвэрлэх, оронд нь шинээр мод тарьж ойжуулах ажил мөн хийгдэнэ. 2018 онд аймгийн хэмжээнд ойн сангийн судалгаа хийгдсэн бөгөөд Баян-Өндөр сумын ойн санд 639 га талбайд, Жаргалант сумын ойн сангийн 401 га талбайд ойжуулалт зайлшгүй хийх судалгаа гарчээ.
            Баян-Өндөр сумын гэр хорооллын 14 багт 15.000 хашаа бүхий айл өрхүүд хашааны талбайнхаа 30 орчим хувьд мод тарьж ногоон байгууламж бий болгоход 400 мянган ширхэг модны тарьц шаардлагатай болно. Иймээс аймаг орон нутгийн бодлогод мод үржүүлгийн газруудыг дэмжих бодлого тусгагджээ.
            2021 онд бүх нийтээр мод тарих ажлын хүрээнд 200.000 ширхэг мод, бут, сөөг тарьж ургуулах зорилт тавьснаас хаврын мод тарилтаар 113 мянган ширхгийг нь тарьж ургуулж байна.
            Ийнхүү өнөөдөр “Тэрбум мод тарих үндэсний хөдөлгөөн”-ий нээлт Орхон аймагт боллоо. Нээлтийн үйл ажиллагаанд Орхон аймгийн Засаг дарга С.Батжаргал, Засаг даргын орлогч А.Түвшинжаргал, БОАЖГ-ын дарга С.Жаргалсайхан, Баян-Өндөр сумын Засаг дарга Б.Баасансүрэн нарын албаны хүмүүс оролцлоо.
            Нээлтийн үйл ажиллагааны дараа “Эрдэнэт цэцэрлэгт хүрээлэн”-д аймгийн удирдлагууд, багийн иргэд мод тарьснаар “Тэрбум мод тарих үндэсний хөдөлгөөн” Орхон аймагт ийнхүү эхэллээ.
Энэ намрын мод тарилтаар Эрдэнэтчүүд нийт 87.000 модыг тарина.
 
Мэдээллийн төв
 
 
 
 
 
 

 

Холбоотой мэдээлэл

2014-03-25 2123
ЗДТГ-ын Санхүү Төрийн сангийн хэлтсийн дарга Д. Мөнх-Эрдэнэ 70353511 төвд ажиллалаа

Өчигдөр буюу 03 дугаар сарын 24-ний 18:00-19:00 цагийн хооронд ЗДТГ-ын Санхүү Төрийн сангийн дарга Д. ...

2014-06-25 1523
МЭНДЧИЛГЭЭ

Эрхэм хүндэт Эрдэнэтчүүд, Баян-Өндөрчүүд ээ. 1992 онд Ардчилсан шинэ Үндсэн хууль батлагдаж, ...

2014-08-06 1369
Аймгийн засаг даргын зөвлөлийн хурал 8-р сарын 12-ны өдөр хуралдана.

Аймгийн засаг даргын зөвлөлийн хурал 8-р сарын 12-ны өдөр хуралдана. Хурлаар 2014-2015 оны хотын болон ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 19 Онлайн
  • 877 Өнөөдөр
  • 1680 Өчигдөр
  • 3913 Долоо хоногт
  • 14616 Сүүлийн сард
  • 6452890 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар