БАРИЛГЫН САЛБАРЫН ХӨРӨНГӨ ОРУУЛАЛТЫН АЖЛЫГ ГҮЙЦЭТГЭЖ БУЙ КОМПАНИУДТАЙ УУЛЗАЛТ ХИЙЛЭЭ

Аймгийн Засаг дарга болон, Хотын захирагчийн алба, Барилга захиалагчийн алба, Хөрөнгө оруулалт хөгжлийн бодлого төлөвлөлтийн хэлтэс,  Газрын харилцаа барилга хот байгуулалтын газа, Баян-Өндөр, Жаргалант сум зэрэг бодлогын байгууллагууд 2021 онд аймгийн барилгын салбарын хөрөнгө оруулалтын ажлыг гүйцэтгэж буй аж ахуйн нэгж, компаниудтай зөвлөлдөх уулзалтыг өнөөдөр зохион байгууллаа.

        Уулзалтын эхэнд аймгийн Засаг дарга С.Батжаргал үг хэлж төр, ажил гүйцэтгэгч компаниудын хоорондын уялдаа холбоо, ойлголцол, харилцан бие биенээ дэмжин хамтран ажиллах нь хотын хөгжилд чухал нөлөөтэй гэдгийг онцоллоо. Мөн цар тахлын үед ажил удаашрах, царцах хүнд нөхцөл үүсч байсан хэдий ч өөрсдийн боломжоороо бүтээн байгуулалтаа сүндэрлүүлж байгаад талархал илэрхийлсэн юм.
      Түүнчлэн ирэх жилүүдэд барилга байгууламж, орон сууц барихаар төлөвлөж буй байршил болон зориулалтыг танилцууллаа. Уртын гол багт 260 айлын 5 давхар 5 блок орон сууц, 2А, 7-р хороолол, Их залуу багт багш хотхон, 7-р хороололд төрийн нэгдсэн байр, Дөмөг захын урд 1000 айлын орон сууц болох Залуус хороолол, Номын өргөө зэрэг барилга байгууламжууд баригдахаас гадна 2022 онд 2 дэд төв барихаар төлөвлөж байна. Ингэснээр дараа дараагийн барилгыг барих боломж бүрдэх юм гэлээ. 
      Тус уулзалтад Барилга захиалагчийн алба Орон нутагт хэрэгжүүлж байгаа хөрөнгө оруулалтын ажил, түүнд тавих захиалагчийн хяналт сэдвээр, МХГ-аас дэд бүтцийн хяналтын чиглэлээр хийсэн шалгалтын мэдээлэл, ГХБХБ-ын газраас барилга байгууламжийг ашиглалтад оруулах дүрэм, барилгын ажлыг эхлүүлэх, үргэлжлүүлэх зөвшөөрөл зэрэг сэдвээр мэдээлэл танилцууллаа. 
      Мөн ХЗА-ны дарга С.Ганцогт сүүлийн 10 жилд Орхон аймагт хийгдсэн хөрөнгө оруулалт, бүтээн байгуулалтын ажлуудыг нэгдсэн бүртгэлийн системд оруулж буй хотын нэгдсэн цахим системийг танилцуулсан юм. Ингэснээр тухайн ажлыг хэдэн онд, ямар компани хийж гүйцэтгэсэн болон, төсөвт өртөг, ажлын хэмжээ зэрэг мэдээллүүдийг харах боломжтой ажээ.
   Энэ үеэр барилгын компаниудын удирдлагуудад төрийн байгууллагатай хамтран ажиллахад тулгамддаг асуудал болон санал хүсэлтийг бичгээр авсан бөгөөд ажилдаа тусган хэрэгжүүлэх болно гэдгийг орон нутгийн удирдлагууд илэрхийллээ.
Мэдээллийн төв
 
 
 
 
 

 

Холбоотой мэдээлэл

2021-11-10 484
САЛБАРЫН ШАГНАЛ ГАРДУУЛАН ӨГЛӨӨ

Ардын хувьсгалын 100 жилий ой, Эрдэнэт хот байгуулагдсаны 45 жилийн ой, Монгол улсад Худалдааны салбар ...

2021-03-09 360
ТӨРИЙН АЛБАНЫ ШАЛГАЛТАД БЭЛТГЭГЧДЭД ЗОРИУЛСАН ГАР УТАСНЫ АППЛИКЭЙШН ГАРЛАА

2020-2021 онд уг аппликэйшний хөгжүүлэлтийг хийж, эхний хувилбар нь андройд гар утасны системд эхлэн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 17 Онлайн
  • 852 Өнөөдөр
  • 1680 Өчигдөр
  • 3888 Долоо хоногт
  • 14591 Сүүлийн сард
  • 6452865 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар