“ЭРДЭНЭТ ХӨГЖИЛ 2021” ЭДИЙН ЗАСГИЙН ФОРУМ ЭХЭЛЛЭЭ

         Эрдэнэт хотын хөгжлийн шийдэл гарцыг хэлэлцэх, танилцуулах зорилготой “Эрдэнэт хөгжил 2021” эдийн засгийн форум өнөөдөр эхэллээ.  Орхон аймгийн Засаг даргын Тамгын газраас зохион байгуулж буй уг форумын  үйл ажиллагаа цахим болон танхимын хосолсон хэлбэрээр зохион байгуулагдаж байгаа юм. 

      Технологи, Түншлэл, Хөрөнгө оруулалт уриан дор эхэлж буй тус форумын нээлтийн үйл ажиллагаанд гадаад, дотоодын зочид төлөөлөгчид, 15 орны Элчин сайдууд болон УИХ-ын гишүүд, Орхон аймагтай ах, дүүгийн найрамдалт харилцаатай улс орны төлөөлөгчид, НҮБ, GIZ төслийн төлөөлөгчид оролцлоо.
Форумын үйл ажиллагаанд амжилт хүсч  АНУ, ОХУ, БНЧ, Унгар, Япон улсын Элчин сайд нар УИХ-ын гишүүд мэндчилгээ дэвшүүлсэн юм. 
     Аймгийн Засаг дарга С.Батжаргал форумын үйл ажиллагааг нээж “Орхон аймгийн хөгжлийн одоо ба ирээдүй” сэдвээр илтгэл тавьсан бөгөөд Орхон аймагт 2021-2024 онд эдийн засгийн хөгжлийн чиглэлээр хэрэгжүүлэх зарим төсөл, арга хэмжээнүүдийг танилцууллаа. 
     Аймгийн хөгжлийн зорилтуудыг хэрэгжүүлэхдээ Монгол Улсын “Алсын хараа - 2050” урт хугацааны хөгжлийн бодлого, Орхон аймаг, Эрдэнэт хотын таван жилийн үндсэн чиглэлийн бодлогын баримт бичгийг үндэслэн “Орлогод нийцсэн орон сууцны төсөл”, “Ногоон хөгжил-Ногоон Эрдэнэт төсөл”, “Миний гэр-Бидний гудамж” зэрэг төслүүдийг хэрэгжүүлж ирэх жилүүдэд гэр хорооллыг орон сууцжуулах ажлыг эрчимжүүлнэ гэдгийг онцоллоо. Түүнчлэн энэхүү форумын эцсийн үр дүн бол Эрдэнэт хот, Эрдэнэтчүүдийн хөгжилд хувь нэмэр болохуйц шийдэл байх ёстой гэв.  
      УИХ-ын гишүүн Д.Батлут мэндчилгээ дэвшүүлэхдээ, “Энэхүү  форум нь төр, бизнесийн байгууллагуудын олон талт түншлэл, харилцаа холбоог сайжруулж, хөрөнгө оруулалтыг татах, шинэлэг, технологид суурилсан бизнесийн төслүүдийг хэрэгжүүлж эдийн засгийн эргэлтэд оруулах замаар Эрдэнэт хот, бүс нутаг, цаашлаад улс орны эдийн засгийн хөгжилд бодит хувь нэмрээ оруулахуйц үр дүнтэй хэлэлцүүлэг болно гэдэгт итгэлтэй байна” гэсэн юм.  
    Мөн аймгийн ИТХ-ын дарга Д.Мөнхбат хэлэхдээ, “Орхон аймгийг хөгжүүлэх урт болон дунд хугацааны бодлогын баримт бичигт эдийн засгийн бүтцийн шинэчлэлийг эхлүүлж, өрсөлдөх чадварыг нэмэгдүүлэн, экспортод чиглэсэн хүнд, хөнгөн үйлдвэрлэлийг хөгжүүлэх, эдийн засгийг тэтгэсэн, уян хатан, олон талт санхүүгийн үйлчилгээг хөгжүүлэхээр тусгасан. Үүнийг хэрэгжүүлэх ажлын нэг хэсэг нь технологи, инновацын төслүүдийг үйлдвэрлэл, үйлчилгээнд нэвтрүүлж түншлэл, хөрөнгө оруулалтыг дэмжих замаар эдийн засгийн хөгжлийг хурдасгах зорилготой  “Эрдэнэт хөгжил 2021” эдийн засгийн форум уулзалт билээ” хэмээн онцолсон юм. 
 
 
Форумын нээлтийн ажиллагаанд МУ-ын Засгийн газрын хэрэг эрхлэх газрын төлөөлөгчид, Үндэсний хөгжлийн газрын дарга Х.Батжаргал, Аймгийн Засаг даргын орлогч А.Түвшинжаргал, “Эрдэнэт Үйлдвэр” ТӨҮГ-ын удирдлагууд, хөрөнгө оруулагчид, аж ахуйн нэгж, бизнес эрхлэгчид, оролцогчид зэрэг нийт 680 гаруй хүн цахим болон танхимаар оролцлоо.
 
 
 
Мэдээллийн төв 
 

 

Холбоотой мэдээлэл

2020-03-05 2761
ЭМЧ, ЭМНЭЛГИЙН АЖИЛЧДАД “ЭМЧ” ДЭД ХӨТӨЛБӨРИЙН НИЙГМИЙН ДЭМЖЛЭГИЙН БАТЛАМЖ ГАРДУУЛЛАА

2016 оноос хойш манай аймаг бодлогоор “Эрдэнэтчүүд Эрдэнэтчүүддээ хайртай”, “Багш”, “Ач санах”, “Чөлөөт ...

2016-02-29 4473
Монгол цэргийн өдөр, Зэвсэгт хүчний 95 жил, ЗХ-ний 186 дугаар ангийн 80 жилийн ойн баярын арга хэмжээний хөтөлбөр

Монгол цэргийн өдөр, Зэвсэгт хүчний 95 жил, ЗХ-ний 186 дугаар ангийн 80 жилийн ойн баярын арга хэмжээний ...

2014-10-19 1838
Байгаль орчны газрын долоо хоногийн мэдээ /2014.10.3-17/

1.Монгол улсын Ерөнхийлөгчийн 2010 оны 63 дугаар зарлигийн дагуу бүх нийтээр мод тарих намрын өдрийг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 12 Онлайн
  • 913 Өнөөдөр
  • 1680 Өчигдөр
  • 3949 Долоо хоногт
  • 14652 Сүүлийн сард
  • 6452926 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар