ЗАСАГ ДАРГЫН ЗӨВЛӨЛИЙН XXI ХУРАЛДААН ХУРАЛДЛАА

Аймгийн Засаг даргын зөвлөлийн ХХI хуралдаан хуралдаж хуралдааныг Засаг даргын орлогч А.Түвшинжаргал удирдан явууллаа. 

Өнөөдрийн хуралдаанаар:
1. Аймгийн гэмт хэргээс урьдчилан сэргийлэх, хэв журам, сахилга хариуцлагыг сайжруулах талаар 2018-2022 онд баримтлах бодлогыг хэрэгжүүлэх арга хэмжээний төлөвлөгөөний биелэлтийн тухай хэлэлцэх
2. “Жаргалант Ус дулаан түгээх станц” орон нутгийн өмчит хувьцаат компани байгуулж журам батлах тухай. 
3. Их шүтээн цогцолборын үйл ажиллагааг өөрчлөх тухай. 
4. Үл хөдлөх хөрөнгийн татварын хувь хэмжээг тогтоох тухай. 
5. Төрөөс эрүүл мэндийн талаар баримтлах бодлогыг хэрэгжүүлэх аймгийн дэд хөтөлбөрийн 2022-2026 онд хэрэгжүүлэх үйл ажиллагааны төлөвлөгөө. 
6. Засаг даргын нөөц сангаас хөрөнгө зарцуулах тухай гэсэн 6 асуудлын талаар хэлэлцлээ. 
 
       Аймгийн Иргэдийн төлөөлөгчдийн хурлын Тэргүүлэгчдийн 2018 оны 84 дүгээр тогтоолоор “Аймгийн гэмт хэрэг зөрчлөөс урьдчилан сэргийлэх, хэв журам, сахилга хариуцлагыг сайжруулах талаар 2018-2022 онд баримтлах бодлогыг” баталсан байдаг. 
       3 зорилтын хүрээнд 42 арга хэмжээ зохион байгуулахаар төлөвлөсөн уг бодлогын зорилго нь иргэдийн эрх зүйн мэдлэг, боловсролыг дээшлүүлэх, гэмт хэрэг зөрчлөөс урьдчилан сэргийлэх, иргэдийн амар тайван аюулгүй орчинд амьдрах нөхцлийг бүрдүүлэхэд иргэд аж ахуйн нэгж байгууллагын оролцоог нэмэгдүүлж, гэмт хэрэгтэй тэмцэх оновчтой арга замыг судлан түүний тэргүүн туршлага технологийн дэвшлийг нэвтрүүлж гэмт хэрэг, зөрчлийг бууруулах ажээ. 
     2021 оны 9-р сарын 30-ны байдлаар биелэлтийн хэрэгжилт 86,2 хувьтай буюу тодорхой үр дүнд хүрсэн талаар хууль, эрх зүйн хэлтсийн дарга М.Мөнхбаяр танилцууллаа. Мөн аймгийн хэмжээнд 2021 оны 9-р сарын байдлаар 355 гэмт хэрэг бүртгэгдсэнээс 258 хэрэгт 285 хүн холбогдон шалгагдаж, өмнөх оноос бүртгэгдсэн хэрэг 17,1 хувиар, холбогдогчдын тоо 8,9 хувиар буурчээ. 
      Энэхүү бодлогыг хэрэгжүүлэгч байгууллага болох Засаг даргын Тамгын газар болон төрийн  22, төрийн бус 8 байгууллага байдаг байна. 
      Зөвлөлийн гишүүдээс цахим гэмт хэрэг болон, мансууруулах бодистой холбоотой гэмт хэргийн эсрэг хийж хэрэгжүүлэх ажилд онцгой анхаарч, сургуулийн орчинд үйлдэгдэх гэмт хэрэг зөрчлийг багасгах, хүүхдийн төлөвшлийн талаар холбогдох байгууллагуудтай хамтарч ажиллах зэрэг саналыг илэрхийллээ. Түүнчлэн гэмт хэргээс урьдчилан сэргийлэхийн тулд орчны камержуулалтыг сайжруулах юм. Орхон аймгийг бүрэн камержуулахын тулд 2000 гаран камержуулалт шаардлагатай ажээ. 
Мэдээллийн төв 
 
 
 

 

Холбоотой мэдээлэл

2021-11-25 70
ГАЗРЫН ТӨЛБӨРИЙН ХУВЬ ХЭМЖЭЭНД САНАЛ АВЧ БАЙНА

2021 оны 07 дугаар сарын 07-ны өдөр "Газрын төлбөрийн тухай хуульд нэмэлт, өөрчлөлт оруулах тухай" хууль ...

2016-10-17 2820
Гэр хороололд зорчих хэсэг хааж хашаа хатгасан газруудыг чөлөөлнө

Аймгийн Засаг даргын Хот байгуулалт, дэд бүтцийн асуудал хариуцсан орлогч С.Батжаргал гэр хорооллын зарим ...

2014-03-16 2502
Хөгжлийн бодлогын хэлтэс /2014 оны 03-р сарын 10-14/

Хүнс, хөдөө аж ахуй чиглэлээр: 1.Хөдөөгийн хүн ам, мал сүргийг усаар хангах, бэлчээрийн усан хангамжийг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 15 Онлайн
  • 871 Өнөөдөр
  • 1680 Өчигдөр
  • 3907 Долоо хоногт
  • 14610 Сүүлийн сард
  • 6452884 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1054

Facebook

Цаг агаар