Үйл ажиллагааны чиглэл нь:

• Автотээврийн хэрэгсэлд техникийн хяналтын үзлэг хийх
• Монгол улсын нутаг дэвсгэрт ашиглагдаж байгаа автотээврийн хэрэгслийн бүртгэл хөтлөх, улсын дугаар олгох, шилжилт хөдөлгөөн бүртгэх, хасах, гэрчилгээ олгох,
• Улс хооронд, хот хооронд, орон нутгийн нийтийн зорчигч болон ачаа тээвэр, шуудан, жуулчин тээвэрлэлтийн үйлчилгээг улсын хэмжээнд зохицуулах, зохион байгуулах,
• Зорчигч тээвэрлэлтийн үйлчилгээ эрхлэх ААНБ-тай гэрээ байгуулж гүйцэтгүүлэх
• Төрийн захиалгат ажил үйлчилгээг гэрээний үндсэн дээр гүйцэтгэх,
• Авто үйлчилгээний байгууллагад ангилал тогтоох
• Ачаа, зорчигч тээвэрлэлт гүйцэтгэх ААНБ-ын хүсэлтийг судлан хууль, тогтоомжид заасан шаардлагыг хангаж буй эсэх талаар дүгнэлт гаргах, дүгнэлтийг автотээврийн асуудал эрхэлсэн төрийн захиргааны төв байгууллага болон аймаг, сумын Засаг даргад хүргүүлэх... гэх мэт  үндсэн үйл ажиллагааг эрхлэн явуулж байна.

          Хотын доторх үйлчилгээнд тээвэрлэлт хийж буй автобуснуудад байршил тогтоох төхөөрөмжийг / GPS /  суурилуулж  ухаалаг тээврийн системийг хэрэглэснээр шугамын болон тээврийн хэрэгслийн хөдөлгөөний давтамж, цагийн даалгаврын гүйцэтгэл, рейсийг хянах бүрэн боломжтой болсон.

            Аймгийн Засаг даргын 2016-2020 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөний хүрээнд автозамын тээвэрлэлтийг боловсронгуй болгох /2018-2021он/ богино хугацааны бодлогын баримт бичиг “Дэд хөтөлбөр”-ийг баталсан.

           “Дэд хөтөлбөр”-ийн зорилтын хүрээнд дараах  арга хэмжээг авч хэрэгжүүлсэн.

1.  Нийтийн зорчигч тээврийн үйлчилгээнд дахин төлөвлөлтийг хийж, нийтийн тээврийн 7 чиглэл, такси үйлчилгээний 28 зогсоолыг шинэчлэн Засаг даргын 2018 оны 10-р сарын 08-ны өдрийн А/621, 2019 оны 02-р сарын 25-ны өдрийн А/91 тоот захирамжаар батламжилж, үйлчилгээнд мөрдүүлэн иргэдэд үйлчилж байна.. Үүнд:

          Ч1: Ч2  “Ихзалуу - Шанд” чиглэлийг “Тод од транс” ХХК-д,

          Ч3 : “Дэнж” чиглэл,

          Ч4 : “Хороолол” чиглэл,

          Ч5 : “Говил” чиглэлүүдийг “ББ-ОД” ХХК-д

          Ч6 : “Тосгон-Зээл” чиглэлд “Тод од транс” ХХК-д

           Ч7: ”Вокзал-Төгөл” чиглэлд Автомастер төв” ХХК-д шалгарч, зорчигч тээвэрлэлт гүйцэтгэх, гүйцэтгүүлэх гурвалсан гэрээ байгуулан ажиллаж байна.

           2015 оноос Баян-Өндөр суманд “Автобус” хөтөлбөр хэрэгжсэнээр ахмад настан болон хөгжлийн бэрхшээлтэй иргэдийг үнэ төлбөргүй тээвэрлэсэн 3 аж ахуйн нэгжид нөхөн олговорт жилд 1.2 тэрбум.төгрөгний тооцооллыг гаргаж,  олгуулсан байна.

2. Хатуу хучилттай автозамын ашиглалттай холбоотой “Хотын доторх замын хөдөлгөөнд ачааны автомашиныг цагийн хязгаарлалтайгаар оролцуулах, түр зөвшөөрөл олгох журам”-ыг 2018 онд аймгийн ИТХ-ын Тэргүүлэгчдийн хурлаар батлуулж, “С”, “СЕ”-зөвшөөрлийг иргэд, аж ахуйн нэгжид олгож, орлогыг “Эрдэнэт сан”-д төвлөрүүлэн ажиллаж байна.

           Манай байгууллага нь Эрдэнэт хотын зорчигч тээврийг боловсронгуй болгож “Цахимаар төлбөр төлдөг” системд шилжих, иргэдийн эрэлт хэрэгцээ, стандарт, хотын өнгө үзэмжид нийцсэн, байгальд хор нөлөөгүй эдийн засгийн өндөр үр ашиг бүхий орчин үеийн тээврийн хэрэгслийг нэвтрүүлэх, автобусны зогсоол буудлуудыг тэмдэгжүүлэх, буудал зогсоолыг нэмж байгуулах, такси үйлчилгээнд таксометр болон цахим апп үйлчилгээг нэвтрүүлэн иргэдэд үйлчлэх, тээврийн хэрэгслийн бүртгэл мэдээллийн санг цахимжуулах зэрэг ажлуудыг зохион байгуулан  ажиллаж байна.