Мэдээлэл шуурхай удирдлагын төвийн (цаашид төв гэх) үйл ажиллагааны 2020-2024 оны хэтийн төлөвлөгөөг боловсруулахдаа дараах эрх зүйн баримт бичгүүдийг судлан үзлээ. Үүнд: Монгол Улсын үндсэн хууль, Монгол Улсын Засгийн газрын мөрийн хөтөлбөр, Монгол Улсын Засгийн газрын 2016 оны 249 дүгээр тогтоолоор батлагдсан Хөгжлийн бодлогын баримт бичиг боловсруулах нийтлэг журам, Алсын хараа 2050 Монгол улсын урт хугацааны хөгжлийн бодлого, Аймгийн эдийн засаг, нийгмийг хөгжүүлэх үндсэн чиглэл,  Аймгийн Засаг даргын 2020-2024 оны үйл ажиллагааны хөтөлбөр зэрэг нийт 10 гаруй хууль эрх зүйн баримт бичгийг судлан, Төвийн үйл ажиллагааны үндсэн чиглэл, Орхон аймгийн нийтийн бүхий л үйлчилгээнд тулгарч байгаа асуудал, өнөөгийн шаардлага, иргэдийн хэрэгцээ зэргийг тодорхойлон төвийн үйл ажиллагааны   2021-2025 оны хэтийн төлөвлөгөөний зорилго, зорилтуудыг гаргалаа.

Төвийн үйл ажиллагааны төлөвлөгөөний хүрээнд алсын хараа, эрхэм зорилго, эрхэмлэх зарчим, үйл ажиллагаа явуулах орчин, орчны шинжилгээ, стратегийн үндсэн зорилтууд, төсвийн жилд нийлүүлэх ажил үйлчилгээ, бүтэц зохион байгуулалт, хэсэг тус бүрийн стратеги чиглэл зэргийг тодорхойлов.

2022-2025 онуудад аймгийн хэмжээнд 1000 ширхэг хяналтын болон дугаар илэрүүлэгчтэй камер суурилуулан алслагдсан багууд, шинээр үүсэх гэр болон байшин хорооллуудад нэмэлтээр буюу шинээр хийгдэх камержуулалтыг үе шаттай төлөвлөх.

Орчин үеийн дэвшилтэт техник, тоног төхөөрөмж, мэдээллийн технологийн шийдлийг ашиглан Орхон аймгийн өнцөг булан бүрт хүрч байгаа шуурхай үйлчилгээний талаарх мэдээллийг хүлээн авах дэд бүтцийг бий болгоно.