Бүсийн хөгжил орон нутагт хэлэлцүүлэг боллоо

Монгол Улсын Засгийн газраас 2024 оныг “Бүсчилсэн хөгжлийг дэмжих жил” болгон зарласан.

Үүнтэй холбогдуулан аймгийн Баян-Өндөр сумын ИТХ-ын байгууллагаас бүсчилсэн хөгжлийг дэмжих, хойд бүсийн хөгжлийн бодлогын баримт бичгийг боловсруулах, төрийн үйл хэрэгт иргэдийн оролцоог хангах, санал санаачилгыг баримт бичигт тусгах, сум орон нутгийн нийгэм, эдийн засгийн үзүүлэлтийг сайжруулах зорилгоор “Бүсийн хөгжил орон нутагт” уулзалт, хэлэлцүүлгийг зохион байгууллаа.

Хэлэлцүүлгээр “Хойд бүсийн хөгжлийн чиг хандлага”, “Орхон аймаг Баян-Өндөр сумын нийгэм эдийн засгийн үзүүлэлт”, “Уул уурхайн салбарын өнөөгийн нөхцөл байдал”, “Аж үйлдвэрийн бодлого” зэрэг сэдвүүдээр илтгэл тавьж, хэлэлцүүлэг өрнүүлэв.

Гурван өдрийн турш үргэлжилсэн хэлэлцүүлэгт 2000 орчим иргэн хамрагдаж бүсчилсэн хөгжилд Орхон аймаг, тэр дундаа Баян-Өндөр сумын тэргүүлэх чиглэлийг тодорхойлоход иргэд саналаа илэрхийллээ.

Хэлэлцүүлэгт БОАЖ-ын сайд Б.Бат-Эрдэнэ, Батлан хамгаалахын дэд сайд Б.Баярмагнай, Соёлын дэд сайд П.Баттөр, Баян-Өндөр сумын ИТХ-ын дарга Э.Эрдэнэбат, доктор профессор Г.Баттүвшин, Т.Эрдэнэчулуун, Н.Уртнасан зэрэг албаны зочид төлөөлөгчид оролцож мэдээлэл өглөө.

Мэдээллийн төв