Малчид сайн дураар 9 ба түүнээс дээш гишүүнтэйгээр нэгдэж хоршоолох боломжтой
Өнөөдөр манай аймагт Засгийн газраас өрнүүлж буй “Шинэ хоршоо хөдөлгөөн” нээлтээ хийлээ. Уулзалт, зөвлөгөөнд Орхон, Булган, Хөвсгөл аймгийн 1300 малчин оролцож “Шинэ хоршоо хөдөлгөөн”-ийг өрнүүлэх болсон болсон үндэслэлээс эхлээд хоршоо гэж юу болох, хэрхэн үүсгэн байгуулах, түүний хууль эрх зүйн орчин, малчдад ямар бодит үр дүн өгөх гэхчлэн мэдээллийг өгч байна.
Хойд бүсийн Орхон, Хөвсгөл, Булган аймгаас Хөвсгөл аймаг малын тоо толгойгоороо улсдаа тэргүүлдэг бол Булган аймаг эхний 10-т багтдаг. Харин Орхон аймаг үйлдвэрлэл хөгжсөн гэдгээрээ онцлогтойгоос гадна нэг малаас авах ашиг шимээр улсдаа эхний гуравт орж байгаа нь эрчимжсэн мал аж ахуй голлосонтой холбоотой. Бусад хоёр аймгийн тухайд нэг малаас 92-93 мянган төгрөгийн ашиг хүртэж байгаагаараа улсдаа 12,13-т бичигдэж байна.
Аймгийн хэмжээнд 994 малчин өрх мал аж ахуйн үйлдвэрлэл эрхэлж байна. Эдгээр өрх сайн дурын үндсэн дээр эвлэлдэн нэгдэж 9 ба түүнээс дээш малчин хоршоо байгуулах боломжтой. Хоршоологчдыг дэмжсэн хөрөнгө оруулалт нь хоршооны гишүүн нэг малчинд 50 хүртэлх сая төгрөгийн зээл олгох боломжийг “Шинэ хоршоо хөдөлгөөн”-ий хүрээнд бүрдүүлээд байна.
Тэгвэл хоршоог ингэж байгуулна.
Хоршоо гэж нийтлэг хэрэгцээгээ хангах зорилгоор сайн дураараа нэгдсэн, хамтын удирдлага, хяналт бүхий дундын эд хөрөнгө дээр үндэслэн үйл ажиллагаага явуулахаар байгуулсан хуулийн этгээдийг хэлнэ. Анхан шатны хоршоог 9 ба түүнээс дээш иргэн хамтран байгуулна. Хоршоод дүрэмд заасан хэмжээгээр хоршоонд хувь хөрөнгө оруулсан, 16 насанд хүрсэн иргэн байна.
Хоршооны гишүүн өрсөлдөгч бус өөр хоршооны гишүүн, хуулийн этгээдийн хувь нийлүүлэгч бах эрхтэй. Хоршоо байгуулах тухай шийдвэр гарснаас хойш 30 хоногийн дотор улсын бүртгэлийн байгууллагад бүртгүүлнэ. https://www.e-business.mn систем цахимаар өдөрт 1 хүн 3 нэр илгээх боломжтой ба бүртгэгч шалган хариу өгч давхцалгүй тохиолдолд баталгаажуулна.
Цахимаар нэрийн хүсэлт илгээхдээ хоршооны аль нэг гишүүн хүсэлтээ зааврын дагуу илгээнэ. Энд онцлох зүйл нь хоршооны хүсэлтийг тухайн аймаг, сумдын холбогдох байгууллагууд хоёр хоногийн дотор шийдвэрлэх юм байна.
Нэр баталгаажуулахад тухайн хоршооны аль нэг гишүүний регистрийн дугаар, утасны дугаар байх шаардлагатай Хоршооны дүрэмд оноосон нэр оршин байгаа газрын хаяг, Хоршооны эд хөрөнгө, түүнийг бүртгэх, ашиглах, захиран зарцуулах журам гэхчлэн 26 асуудлыг тусгана гэх мэдээллийг албаны хүмүүс хойд бүсийн “Шинэ хоршоо хөдөлгөөн”-ий нээлтийн үеэр өгч байна.
Мэдээллийн төв
