"Гэр бүлийн хөгжил оролцоо"чуулганаас гаргасан ЗӨВЛӨМЖ
Жендэрт суурилсан хүний эрхийн хүндэтгэх аяны хүрээнд Орхон аймгийн ЗДТГ болон ГБХЗХГ-аас хамтран “Гэр бүлийн хөгжил оролцоо” аяныг зохион байгуулж байна.
“Гэр бүлийн хөгжил оролцоо” чуулганд Орхон аймгийн 200 гаруй гэр бүл, төрийн болон төрийн бус байгууллагын төлөөлөгч гэр бүлээрээ 200 гаруй хос оролцлоо.
Орхон аймаг нь 28,6 мянган өрхтэй 105.4 мянган хүн амтай 2 сумтай хүн амын төвлөрөл шилжилт хөдөлгөөн ихтэй аймаг юм. Аймгийн нийт хүн амын 96,6 хувь аймгийн төвийн сум болох Баян-Өндөр суманд оршин суудаг.
Чуулганы илтгэгчид гэр бүлд тулгамдсан асуудлыг
- “Монгол улсын гэр бүлийн бодлого түүний хэрэгжилт”
- “Гэр бүлд тулгамдаж буй асуудал”
- “Хүүхдийн хөгжлийг дэмжихэд эцэг эхийн үүрэг оролцоо”
- “Гэр бүлийн хүчирхийллийн шалтгаан, өнөөгийн нөхцөл байдал, цаашид авах арга хэмжээ
- “Гэр бүл салалтын өнөөгийн байдал, цаашид авах арга хэмжээ”
- “Гэр бүлийн харилцааны тулгамдсан асуудал, гарц шийдэл”
- “Эцэг эхийн хүмүүжлийн хэв маяг ба хүүхдийн өөрийн үнэлэмжийг судалсан нь” “Яг өнөөдрөөс гэр бүлдээ” зэрэг сэдвийн хүрээнд хэлэлцэн шийдлийг ХАМТДАА эрэлхийлж, нэгдсэн ЗӨВШИЛЦӨЛД хүрлээ.
“ГЭР БҮЛИЙН ХӨГЖИЛ ОРОЛЦОО” ЧУУЛГАНААС ГАРГАСАН ЗӨВЛӨМЖ
Чуулганы төлөөлөгчид БИД,
Гэр бүлийн хөгжил оролцоог нэмэгдүүлэх нь Монгол Улсын Тогтвортой хөгжлийн зорилго, нийгмийн хөгжлийг хангах нэг арга зам болохыг хүлээн зөвшөөрч дараах ЗӨВЛӨМЖИЙГ хэрэгжүүлж ажиллахыг талуудад уриалж байна.
- Хүний хөгжлийн үндэс болсон гэр бүлийн үнэт зүйл, нандин чанарыг уламжлан хадгалах, гэр бүлийн нийгмийн үүрэг хариуцлагыг нэмэгдүүлэх,
- Гэр бүлийн хөгжил, оролцоог дэмжихэд салбаруудын оролцоо, манлайллыг нэмэгдүүлэх ач холбогдлыг анхаарах,
- Гэр бүлийн боловсролыг дээшлүүлэх, эцэг эх, асран хамгаалагчид гэр бүлийн орчинд зөв үлгэр дуурайлалтай байх, ялангуяа цахим хэрэглээний соёлд өөрөөрөө үлгэрлэх
- Хүүхдийн нас сэтэхүйн онцлогт тохирсон хүмүүжлийн эерэг аргыг хэвшүүлэх, хүүхдэдээ үр бүтээмжтэй цаг зарцуулах,
- Хүүхэдтэйгээ ярилцаж ойлгож дэмждэг байх Гэр бүл хүүхдийн асуудлаар мэргэжлийн сэтгэл зүйчид хандаж үйлчилгээ авч занших
“ГЭР БҮЛИЙН ХӨГЖИЛ ОРОЛЦОО” чуулганы оролцогчид
2022 оны 05 дугаар сарын 18-ны өдөр
Монгол Улс, Орхон аймаг, Уурхайчин соёлын ордон
Мэдээллийн төв
.jpg)
