Сонгуулийн ерөнхий хорооноос сургалт зохион байгуулж байна

УИХ-ын 2024 оны ээлжит сонгуулийн бэлтгэл ажлын хүрээнд сонгуулийн хороод болон мэдээллийн технологийн багийн гишүүд, даамлаар ажиллах төрийн албан хаагчдын нөөц бүрдүүлэх “Сонгуулийн мэдээллийн нэгдсэн сан” цахим системийг хэрэглэх арга зүйн сургалтыг Сонгуулийн ерөнхий хорооноос зохион байгуулж байна.

Мөн Сүлжээний сургалтын судалгаа хийх, Сонгогчдын сонгох эрхийг хангуулах зорилгоор уул уурхай, олборлох салбарт байнга оршин суугаа газраасаа өөр газарт ажил үүрэг гүйцэтгэж байгаа иргэдийн санал авах талаар арга зүйн зөвлөгөө мэдээлллийг өгч байна. Сонгуулийн ерөнхий хорооны 2021 оны гуравдугаар сарын 4-ний өдрийн 23 дугаар тогтоолоор баталсан “Санал авах байранд тавигдах ерөнхий шаардлага”, “Санал авах байр бэлтгэх зааар”-ын хэрэгжилтийг хангах талаар арга зүйн зааварчилгааг өгнө. Үүнд зурагт самбарын байршил, санал тэмдэглэх бүхээгийн хүртээмж, санал авах байрны гадна тохижилт зэрэгтэй танилцах юм.

Сургалтад сонгуулийн хороодод ажиллах төрийн захиргааны болон төрийн үйлчилгээний албан хаагчид, Мэдээллийн технологийн багийн гишүүн, даамлаар ажиллах албан хаагчид оролцож байна.

Мэдээллийн төв