Боловсролын салбарын сайн туршлагаа хуваалцах сургалт уулзалт эхэллээ

Хангайн бүсийн болон төвийн бүсийн аймгуудын боловсрол шинжлэх ухааны байгууллагын сайн туршлагаа солилцох, хамтран суралцах сургалт уулзалт Орхон аймагт өнөөдөр эхэллээ.
Сургалт уулзатад Хөвсгөл, Булган, Дархан-Уул, Сэлэнгэ, Өвөрхангай, Архангай, Төв аймаг болон нийслэлийн боловсролын газрын 50 гаруй удирдах албан тушаалтан, мэргэжилтнүүд оролцож байна. Тэд өөрийн аймгийн боловсролын салбарын сайн туршлагаа хуваалцах юм.
Аймгийн Засаг даргын орлогч М.Түмэнжаргал үйл ажиллагааг нээж хэлсэн үгэндээ Орхон аймаг нь боловсролын салбарын чанар хүртээмжийг нэмэгдүүлэх чиглэлээр сүүлийн гурван жилийн хугацаанд улс болон орон нутгийн төсвийн 40 гаруй тэрбум төгрөгийн хөрөнгө оруулалтыг боловсролын салбарт зарцуулаад байгаа талаар онцоллоо.
Хоёр өдөр үргэлжлэх тус сургалтыг Боловсролын Ерөнхий газар, аймгийн боловсрол шинжлэх ухааны газар хамтран зохион байгуулж байна.

Мэдээллийн төв