Ил задгай кабелийн утсыг цэгцэлж байна
Ил задгай кабелийн болон холбооны шугамын утсыг цэгцэлж арга хэмжээ авахыг Засаг дарга Б.Зоригтбаяр тавдугаар сарын 2-ны Өргөтгөсөн хуралдаанаар үүрэг болгосон.
Энэ хүрээнд "Мэдээлэл холбооны сүлжээ" ТӨХК, Мэдээлэл шуурхай удирдлагын төв, "Мобиком" ХХК хамтарсан үзлэг хийж Дэнж, Их залуу, Булаг, Согоот, Хүрэнбулаг багт дараах ажлуудыг хийж гүйцэтгэжээ.
• Булаг багийн 6, 7, 9 дүгээр гудамжны 500 метр шилэн кабелийг чангалж бэхэлсэн.
• Согоот баг 5 дугаар байрнаас Дэнж чиглэлд татагдсан 466 метр агаарын шилэн кабелийг буулгаж сувагчлалд оруулсан.
• Хүрэнбулаг багийн хэрэглэгчгүй сүлжээний 1579 метр кабелийг буулгаж, уналтттай 7 баганын 450 метр кабелийг чангалж багцлах ажил хийгдсэн.
• Дэнжийн 3 байр орчмын 380 метр агаарын шилэн кабелийг сувагчлалд оруулаад байна.
Мөн Их залуу багийн Билэг худалдааны төвийн урд байрлах тулгуур хөл нь муудаж хазайсан баганыг тэгшилж, 2384 метр шилэн кабелийг чангалан ашиглалтгүй шилэн кабелийг буулгажээ.
Мэдээллийн төв
