ЕСБХБ-ны төсөл: Даваат, Шанд, Говил багийн ус түгээх байрны цэвэр усны шугам татах ажил дууслаа
Европын сэргээн босголт хөгжлийн банкны хөнгөлөлттэй зээл, Европын холбооны буцалтгүй тусламжийн санхүүжилтээр “Эрдэнэт хотын гамшигт тэсвэртэй байдал” төсөл хэрэгжиж байгаа билээ. Төслийн хүрээнд Эрдэнэт хотын 8 байршилд шугам хоолой шинэчлэх ажлыг "Престиж Инженеринг" ХХК гүйцэтгэж байна.
Тухайлбал, Даваат, Шанд, Говил багт шугам хоолойн угсралт суурилуулалтын ажил бүрэн хийгдэж дууссан. Холболт хийж хэрэглэгчдэд ус өгөх ажил хийгдэж байна. Тус ажлын 97-99 хувьтай үргэлжилж байна.
Наран багт хийгдэх бохир усны шугам хоолойг шинээр суурилуулах ажил дууссан бол Бүрэн бүст, Уурхайчин багт ажил 30-50 хувийн гүйцэтгэлтэй үргэлжилж байна.
Хүрэнбулаг багийн УДДТ 4.2 шугам солих ажил 31 хувийэн гүйцэтгэлтэй, Баянцагаан багийн ажлыг энэ сарын 12-ноос эхлүүлжээ. Усан хангамжийг сайжруулж, дээрх багуудийн усны шугам сүлжээг шинэчилснээр усны алдагдал 15 хувиар буурна.
Зарим байршилд хийгдэж буй ажлын тухайд шилэн кабель шугам хоолойн трасстай огтлолцож, түүнийг мэргэжлийн байгууллагуудтай хамтран шилжүүлэх ажил хийгдэж байгаа нь ажил удаашрах шалтгаан болж байна гэж мэдээллээ. Усан хангамжийг сайжруулах ажлын хүрээнд дээрх багуудийн усны шугам сүлжээг шинэчилснээр усны алдагдал 15 хувиар буурах юм.
Мэдээллийн төв
