Хотын доторх авто замын сүлжээгээ өргөтгөж байна
2026 онд орон нутгийн төсвийн хөрөнгө оруулалтаар хоёр байршилд шинээр авто зам тавих бүтээн байгуулалтын ажил өрнөж байна. Үүний нэг 11-р хорооллын Б хэсгийн авто замыг Баянбулаг багийн авто замтай холбох 970 метр авто замын ажил 58 хувийн гүйцэтгэлтэй үргэлжилж байна. Тус ажлыг “Жавхлан харгуй” ХХК гүйцэтгэж байгаа бөгөөд 7 метрийн өргөнтэй авто зам, явган хүний болон унадаг дугуйн зам, гэрэлтүүлгийг цогцоор нь шийдэж байгаа юм.
.jpg)
Өнөөдрийн байдлаар далан болон газар шорооны ажил дууссан, авто замын суурийн ажлыг гүйцэтгэж байна. Ирэх арваннэгдүгээр сард тус авто замыг ашиглалтад оруулна. Мөн тус компани 11-р хорооллын Б хэсгийн авто замыг “Баян-Өндөр Мед” эмнэлэг хүртэл холбох 1.1 км авто замын ажлыг гүйцэтгэж байна.
Дээрх байршилд шинээр авто зам тавьж, хотын доторх авто замын сүлжээгээ өргөтгөж, нэмэгдүүлснээр Орхон Молл, Барилгачдын талбайн уулзвар орчмын авто замын ачаалал буурах юм.
Мэдээллийн төв
