“ЭРДЭНЭТ САНГИЙН ЖУРАМ”-ЫН ТӨСӨЛ САНАЛ АВАХ ТУХАЙ
2020 оны 12 дугаар сарын 24-ний өдөр Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль /шинэчилсэн найруулга/ батлагдаж, 2022 оны 01 дүгээр сарын 01-ний өдрөөс дагаж мөрдөж эхэлсэн. Тус хуулийн 17 дугаар зүйлийн 17.1-д “Аймаг, сум, нийслэл, дүүрэг нь энэ хуульд заасан өөрийн чиг үүргийг хэрэгжүүлэх үйл ажиллагааг дэмжих зориулалт бүхий Төсвийн тухай хуульд зааснаас өөр бусад сантай байж болно. Уг санг бүрдүүлэх эх үүсвэр нь төсвийн бус хөрөнгө байна”, мөн хуулийн 17.2-т “Энэ хуулийн 17.1-д заасан санг бүрдүүлэх, захиран зарцуулах, түүнд хяналт тавих журмыг тухайн шатны Хурал тогтоож, түүний хэрэгжилтэд хяналт тавина” гэж заасны дагуу орон нутгийн чиг үүргийг хэрэгжүүлэх үйл ажиллагааг дэмжих зорилгоор “Эрдэнэт сангийн журам”-ыг боловсруулж, аймгийн иргэдийн Төлөөлөгчдийн хурлаар хэлэлцүүлэн батлуулах тул иргэд, аж ахуйн нэгж, байгууллагууд хавсралтаар оруулсан журмын төсөлтэй танилцаж, холбогдох саналаа ирүүлнэ үү.
